話說大約3年前..(囧..3年前既野拎番出黎講...)
當時我小學6年級...
記得當年既中秋,,,
成班fd係個公園既山頂度吹水..
當走既時候呢..行過一條必經之路...
有個伯伯係條欄杆度壓腿..
咁我就好有禮貌咁對住佢揮手..講左句hi同點頭咁啦...
之後繼續行..d路燈無啦啦閃左幾下..咁我冇理啦...
之後後邊幾個人忽然大叫同跑...
咁我意為佢地玩我啦..咁我就跟住佢地跑啦...
落到山腳..我問佢地做咩=_=
幾個人就開始發表喇...
A君(行最尾個個):我行過個伯伯既時候...個伯伯忽然好嬲咁望佢住我..D燈又係咁閃喎...咁我就行快2步啦..點知行左幾步之後一回頭望..點知個伯伯就唔見左喇...
ps : 落山只有一條路..當然..伯伯如果行山坡落咁冇得講啦..
如果以一個咁既年齡既伯伯..係幾秒內由佢壓腿個個位行去山坡..仲要落埋去..真係有難度...後生仔都未必得...
(可能會有人認為佢地夾埋玩我...但冇乜可能...因為係山頂大家一齊吹水..冇理由有人密傾而我冇發覺..落樓梯個時更加冇可能啦..) |